Ilvi Meta, gjatë momentit që është gjetur i vdekur mbrëmjen e djeshme në komisariatin e Kavajës, mbante veshur një xhup të hollë, siç shihet në fotoN e siguruar ekskluzivisht nga Top Story.
Siç duket, lidhësja mungon në xhup, ndërsa e motra e viktimës, Irena, pretendon se ishte shumë e shkurtër dhe me të nuk mund të mbytej dot.
“Nuk e ka mbytur veten me litar aq të vogël. Ne duam kamerat e filmuara. E kemi marrë vesh lajmin nga tv. Kur trupi u çua në morg, më thanë nuk lejohet të hyjë njeri. Ta çajnë trupin dhe ne mos ta shihnim ça shenjash kishte. Pse ja kanë hequr litarët, t’i linin për shenja”, tha e motra në “Top Story”.
