Komisioni i Pavarur i Kualifikimit ka konfirmuar në detyrë Marjeta Zaimin me dyetyrë prokurore në Prokurorinë e Tiranë.
Hetimi administrativ për Zaimin është përfunduar në të tri kriteret: deklarimit të pasurisë, pastërtisë së figurës dhe profesionalizmit.
Trupa gjyqësore që kryen procesin e vettingut përbëhet nga Olsi Komici, Pamela Qirko dhe Firdes Shuli.
Marjeta Zaimi e ka filluar karrierën në sistemin e drejtësisë në vitin 1993 dhe ka punuar si prokurore në Prokuroritë e Fierit dhe Tiranës. Sipas hetimit të kryer nga KPK, ajo zotëron një apartament banimi në Selitë të blerë në vitin 2011 për 87,750 euro, një depozitë bankare me vlerë 8014 euro si dhe një automjet.
“Pasuria materiale pas 28 viteve punë të miat dhe 35 të bashkëshortit është 1 apartament për të cilin vazhdoj të paguaj kredinë, një autoveturë dhe një depozitë,” tha Zaimi gjatë seancës dëgjimore. ‘Pasuria ime më e madhe është familja,” shtoi ajo.
