Një shqiptar 29-vjeçar është arrestuar në Itali, pasi u gjetën 16 kilogramë kokainë në automjetin e tij. Ngjarja ka ndodhur në zonën Ponte San Giovanni, në qytetin e Peruxhias.
Oficerët e policisë ishin duke kryer kontrolle në territor kur pikasën një automjet që po ecte me shpejtësi të lartë. Shoferi, i cili dukej nervoz dhe i shqetësuar, tërhoqi vëmendjen e tyre, duke bërë që ata të vendosnin të kryenin një kontroll të detajuar në makinën e tij, sipas raportimeve të Ansa.
Gjatë kontrollit, policia gjeti 15 pako të fshehura në fund të bagazhit të automjetit, të mbushura me lëndë narkotike kokainë. I arrestuari nuk kishte precedentë penalë të mëparshëm dhe aktualisht akuzohet për posedim të lëndëve narkotike me qëllim shitjen.
