19-vjeçari shqiptar Aleksandër Luca, i dhunuar barbarisht në burgun e Avlonas në Greqi pritet të transferohet në burgun e Grevenas. Autoritetet vendosën ta transferojnë shqiptarin pasi u dhunës në burg. Zougla.gr raporton se është gjendur personi i cili ka xhiruar dhe ka shpërndarë pamjet e dhunimit të 19-vjeçarit.
Autoritetet greke po hetojnë atë dhe 12 të tjerë të burgosur në Avlona, të cilët akuzohen se kanë dhunuar shqiptarin. Gjithashtu, mësohet se janë gjetur gjurmët e gishtave të shqiptarit Aleksandër Luca, në shufrën e hekurit me të cilën u vra e reja, Eleni Topaloudi.
Shqiptari akuzohet se ka marrë pjesë në vrasjen e studentes greke në bashkëpunim me një mikun e tij 21-vjeçar.
Eleni ishte e dashura e Aleksandër Lucës, por ky i fundit, sipas mediave greke i kërkoi që të kryente marrëdhënie edhe me shokun e tij. Kur hasën në rezistencën e studentes, miku i shqiptarit e qëlloi atë me shufër hekuri në kokë dhe më pas e hodhën atë në det. Ngjarja ndodhi mbrëmjen 27 nëntorit të këtij viti. Nga goditjet, studentes greke i ishte këputur edhe veshi i majtë. Policia greke sqaroi se sipas ekspertizës vajza kishte qenë e gjallë kur u hodh në det.
