Kryetari i Bashkisë së Tropojës Rexh Byberi është paraqitur sot në SPAK. Nuk dihet ende shkaku i thirrjes në SPAK por kujtojmë se në shtator 2023, 300 banorë të Fierzës paditën në SPAK kryebashkiakun e Tropojës, Rexh Byberi, shefin e komisariatit Përparim Allmuça dhe pronarin e kompanisë “Byberi shpk”, Avni Byberi.
Padia erdhi pas protestave të vazhdueshme që banorët kanë bërë kundër gurores dhe fabrikës së bitumit në fshatin e tyre. Në kallëzimin Penal depozituar në Prokurorinë e Posaçme Kundër Korrupsionit dhe Krimit të Organizuar me 28 gusht 2023, thuhej se Rexh Byberi kishte dhënë leje për hapjen e gurores në zonë pyjore ne kundershtim me ligjin si dhe duke favorizuar djalin e xhaxhait te tij, Avni Byberi