Kryeministri Rama ka deklaruar se “Piramida” do të ruajë vlerat historike dhe nostalgjike, por do të transformohet së brendshmi në qendër teknologjike për fëmijët.
“Guaska e Piramidës nuk është çështja se ka nostalgjikë, por do të transformohet në një qendër teknologjike për fëmijët. Kjo do të thotë që do të ruhet”, theksoi Rama.
Përballë një paneli gazetarësh, Rama u pyet edhe për kullat që po ndërtohen.
“Një kullë e gjysmë ka në Tiranë prej 20 vitesh. Njëra është ndërtuar plotësisht dhe një tjetër, që ka 15 vjet dhe ende nuk po mbaron. Janë shumë pak, siç e mendoj unë se mund të bëhet”.
