Një tjetër krim në familje goditi sot Shqipërinë, duke e bërë të pestin për dy muajtë e parë të janarit.
Ngjarja ndodhi në Vlorë, ku burri I shtëpisë goditi për vdekje me thikë bashkëshorten dhe më pas preu damarët vetes. Dëshmitë e para, tregojnë se e gjithqa mendohet të ketë qënë një skenë xhelozie pasi nuk ishte hera e parë që mes tyre kishte grindje.
E gjitha kjo duket se na kthen në skenare që I kemi parë edhe më parë e fatkeqësisht kanë pasur të nëjjtin fund: tragjedinë.
Detaji ende më I trishtë është se femrat kanë tentuar dhe kanë denoncuar si për të paralajmëruar fatin e tyre, por asgjë nuk ka shkuar siç duhet.
Çfarë ndodhi sot:
Mesditën e sotme në qytetin e Vlorës pas një sherri në familje burri ka mbytur gruan, ndërsa më pas ka prerë damarët duke tentuar vetëvrasjen. Viktima është Eva Lera 45-vjeç, ndërsa autori është Teodor Lera 57-vjeç, bashkëshorti i saj, që aktualisht ndodhet në spital në gjendje të rëndë.
Njëra nga fqinjet e çiftit Lera në Vlorë shprehet se Teodor Lera e dhunonte vazhdimisht gruan e tij. Ajo thekson se në një rast, Eva Lera e denoncoi në polici burrin për dhunë, por më pas e tërhoqi denoncimin për hatër të fëmijëve, ndërsa sot ai e mbyti. “Vajza e madhe është në Amerikë, djali në Angli, ndërsa vajza e vogël studente. Ziheshin shumë, edhe ai ushtronte dhunë.
Ajo e ka denoncuar më parë për dhunë, e dënuan, dhe kjo e fali për hatër të fëmijëve. Gruaja thoshte që për hatrin e fëmijëve do e falte. Ai nuk punonte, vetëm gruaja çfarë shiste në dyqan” tha ajo.
Tragjedia në Tiranë, vrau 19 vjeçaren dhe pastaj veten
Vrasja e 19 vjeçares, Xhuljeta Çuni ndodhi pas disa denoncimeve që viktima kishte bërë në polici. Mësohet se vajza ishte ankuar katër herë në polici për kërcënimet dhe shqetësimet që i krijonte ish i dashuri i saj Xhafer Mata, i cili nuk e pranonte ndarjen, deri sa në fund arriti të kryejë krimin makabër. Me premtimin se do ta linte të qetë vajzën, Mata i kishte shpëtuar ndjekjes penale dhe ishte lënë i lirë.
U vra se nuk i hapi dritaren burrit, e kishte denoncuar dhe më parë
Familjarët e çiftit Shaholli shprehen se viktima Ardjana e kishte denoncuar disa herë bashkëshortin e saj për dhunën që ushtronte mbi të dhe fëmijët, por pasi qëndronte disa orë në Komisariat, Çlirim Shaholli lihej i lirë dhe vazhdonte avazin e vjetër. Sipas tyre, gruaja kishte bërë të pamundurën për të mbajtur të bashkuar familjen dhe rrinte me të shoqin vetëm për hir të fëmijëve, pasi ai e dhunonte vazhdimisht.
“Ilda Dervishi e dinte që burri do ta vriste”
Admir Dervishi, punonjës i Gardës së Republikës qëlloi bashkëshorten e tij katër herë me pistoletë.
Ida Dervishi ka pasur dy urdhra mbrojtjeje për dhunë të ushtruar nga bashkëshorti i saj në vitin 2013, pasi u vërtetua me ekspertizë të Institutit të Mjekësisë Ligjore dhuna e ushtruar prej tij.
Konflikti i vazhdueshëm, masakron gruan për vdekje
Për masakrimin deri në vdekje të 51-vjeçares Natasha Kazanxhi ne Lushnje është bërë xhelozia dhe konfliktet e vazhdueshme.
Ngjarja e rëndë u shënua në fshatin Plug të Lushnjes, ku Tajar Kazanxhi 55 vjeç goditi me sqepar bashkëshorten e tij, Natasha Kazanxhi 51 vjeç, në banesën e vajzës së saj, ku kishte shkuar pas konflikteve të vazhdueshme që kishin së bashku.
Natasha ishte bashkëshortja e dytë e 55-vjeçarit dhe kishin rreth një vit që ishin martuar. Ata jetonin në shtëpinë e 55-vjeçarit në fshatin Plug ndërsa 51-vjeçarja kishte dhe dy fëmijë nga martesat e mëparshme të cilët jetojnë jashtë shtetit.
Konfliktet mes bashkëshortëve kanë nisur prej kohësh pasi 55-vjeçari kishte kaluar banesën në emër të gruas së tij. Situata ishte rënduar kohët e fundit pasi gruaja i kërkonte atij të largohej nga banesa.
Përgatiti: AlpeNews.al
