Pesë persona kishin menduar dhe organizuar të kryenin një vjedhje mbrëmjen e djeshme në Durrës, por ndërsa dy prej tyre mundën të shpëtonin, tre të tjerët ranë në prangat e policisë.
Blutë e qytetit morën një telefonatë nga një banor në Katund Sukth se disa persona nën kërcënimin e armës po tentonin ti vidhnin banesën.
Forcat policore organizuan operacionin e koduar “Rrethinat”, ku arrestuan në flagrancë tre nga autorët e dyshuar dhe u sekuestrua një armë zjarri kallashnikov dhe fishekë luftarak.
Policia bën me dije gjithashtu se 4 nga pjestarët e grupit janë të dënuar më parë për vjedhje e armëmbajtje pa leje.
Zbardhen dhe 8 vjedhje të tjera që dyshohet se janë kryer nga ky grup kriminal, që ushtronin veprimtari kriminale në fushën e vjedhjes së pronës.
NE PRANGA RANE:
L. P., 21 vjeç, banues ne Katund Sukth, i dënuar më parë për armembajtje pa leje;
A. K., 20 vjeç, banues në lagjen Kodra, Shijak, i dënuar më parë për vjedhje;
D. C., 24 vjeç, banues në Fermë, Sukth, i dënuar më parë për vjedhje.
Si dhe u shpallën në kërkim pasi mundën të largoheshin duke përfituar dhe nga errësira shtetasit:
P. P., 27 vjeç, banues në Katund, Sukth, i dënuar më parë për vjedhje dhe A. P., 20 vjeçe, banuese në lagjen nr.13, Durrës (vëlla e motër).
HETIMET
Këta shtetas ne bashkepunim me njëri- tjetrin, rreth orës 20:00 të mbrëmjes së djeshme, në fshatin Katund, Sukth, kanë tentuar të vjedhin me armë zjarri në banesën e shtetasit B.M.
Gjatë operacionit shërbimet e Policisë sekuestruan në cilësinë e provës materiale një armë zjarri kallashnikov dhe fishek luftarakë.
LISTA E VJEDHJEVE
Nga veprimet e para hetimore të kryera, dyshohet se këta shtetas janë autorë edhe të 8 vjedhjeve të tjera të ndodhura më parë dhe konkretisht:
1-Më datë 17.06.2021, shtetasit K.B., në oborrin e banesës i kanë vjedhur motomjetin;
2-Më datë 12.07.2021, gjatë natës, në lagjen ‘’Stalla’’Sukth, kanë vjedhur në banesën e shtetases B. T., 3 televizorë plazma dhe dy frigoriferë;
3-Më datë 06.08.2021, kanë tentuar të vjedhin në banesën e shtetasit Sh. K.,;
4-Më datë 18.08.2021, gjatë natës, në banesën e shtetasit M. L., kanë vjedhur sende të ndryshme;
5-Më datë 08.09.2021, gjatë natës, në Sukth, në banesën e shtetasit L. D., kanë vjedhur disa telefona celularë;
6-Më datë 18.09.2021, në Sukth, i kanë vjedhur telefonin celuar shtetases Sh. L.;
7-Më datë 01.10.2021, në lagjen Nr.17, Durrës, kanë vjedhur në Qendrën Shëndetësore, pompën e ujit dhe sende të tjera;
8-Më datë 03.10.2021, në Katund i Ri, Durrës, në banesën e shtetasit S. R., kanë vjedhur sende me vlerë bizhuteri dhe 1 televizor.
Vijon puna për kapjen e dy personave të shpallur në kërkim.
Materialet në ngarkim të shtetasve të mësipërm i kaluan per veprime të mëtejshme Prokurorise Prane Gjykates Shkallës Parë Durrës, për veprat penale “Vjedhja me armë, e mbetur në tentativë” dhe “Vjedhja” e kryer në bashkëpunim”.
