Prokuroria e Krimeve të Rënda ka vendosur të zgjasë hetimet me tre muaj për Sajmir Cullhajn. Cullhaj tentoi të kalonte armë drejt Anglisë nëpërmjet aeroportit të Rinasit me anë të pakove postare.
Zgjatja e hetimeve vjen pas kërkesës së prokurorit Begar Dibra. Cullhaj është nën masën e sigurisë “arrest me burg”.
Hetimet për këtë çështje po zhvillohen në bashkëpunim me palën angleze, bëjnë me dije. Bashkë me Cullhajn po hetohet edhe Neritan Faria, i cili është shpallur në kërkim nga autoritetet shqiptare.
