Kryeministri Edi Rama po zhvillon një takim me deputetët e qarkut të Elbasanit, ku theksoi rëndësinë e investimeve të realizuara në këtë zonë, duke e cilësuar kombinimin e punëve të kryera nga qeveria dhe pushteti qendror si më të madhin në 35 vitet e fundit.
Rama theksoi se mesazhi më i rëndësishëm i zgjedhjeve të 11 majit është lidhur ngushtë me mundësinë historike të Shqipërisë për t’u integruar në Bashkimin Evropian, një mundësi që është tashmë reale dhe aktuale, për herë të parë në histori.
Ai theksoi se ky moment përkojnë me zgjedhje të rëndësishme, që mund të ndryshojnë kursin e vendit dhe të bëjnë histori.
“Volumi i punëve të kryera në këtë qark dhe kombinimi i investimeve mes qeverisë dhe pushtetit qendror është më i madhi në 35 vite.
Përtej faktit që pa diskutim ne do të kemi mesazhe të drejtpërdrejta me të gjithë grupet e interesit,, mesazhi më i rëndësishëm i këtyre zgjedhjeve është përtej të gjitha këtyre, sepse këto zgjedhje përkojnë me një moment historik të jashtëzakonshëm ku për herë të parë mundësia e hyrjes në BE është jo vetëm reale por edhe aktuale.
Nuk ka qenë e tillë deri më sot.
Na është thënë q Shqipëria e ka vendin në BE por kjo ka qenë gjithmonë një projeksion ën të ardhmen, Sot është një moment ku kjo mundësi është aktuale. Tani është mundësia për të bërë histori, dhe ka përkuar me një palë zgjedhjeje, sepse mund edhe të mos ishin zgjedhjet në mes.
Është thelbësore që zgjedhjet të konfirmojnë vullnetin fuqishëm përtej partive. Është një objektiv përtej të gjithëve ne”, tha ai.
