Stafi i “Capital Gazzete” publikoi një artikull si një pëgjigje e fuqishme kundër sulmit vdekjeprurës që ndodhi në zyrat e gazetës Annapolis, Maryland, javën e kaluar.
Pesë punonjës të gazetës Capital u vranë të enjten pasi një person i armatosur hyri në ndërtesë duke hapur zjarr.
Jarrod Warren Ramos, 38, u arrestua për sulmin. Ai kishte kohë që ishte në konflikt me gazetën, që nga viti 2012 kur gazeta publioi një artikull duke traguar se Ramos me anë të shkrimeve psikopatike çoi në prag depresioni një ish-shoqe të shkollës.
Një ditë pas ngjrjes që shokoi komunitetin aty pranë dhe botën aembanë, në shenjë solidariteti mijëra njerëz dolën në rrugë për të kryer homazhe në nder të viktimave.
“Faleminderit për mbështetjen dhe solidaritetin mbi tragjedinë e tmerrshme që u zhvillua të enjten në zyrën tonë të Annapolit,” shkruhej në editorial. “Ne kurrë nuk do të harrojmë Rob Hiaasen, Gerald Fischman, Wendi Winters, John McNamara ose Rebecca Smith, pesë bashkëpunëtorët tanë të cilët u qëlluan me armë në një sulm të pakuptimtë”.
Pjesa tjetë e artikullit vazhdon me falënderime te anëtarve të komunitetit për fjalët edhe vlerësimet e tyre për punën e vështirë të gazetarisë. Më shumë se 800 vetë u abonuan në edicionin dixhital të gazetës “Capital Gazette” të premten.
Në artikull një pjesë të veçantë morrën edhe kërcënimet që stafi i gazetës kishte marrë në vazhdimësi dhe gëzimin që kishte kapluar disa të tjerë mbi jetët e humbura të gazetarëve.
Në një përgjigje dhe ndaj sulmeve të vazhdueshme të presidentit Donald Trump mbi mediat, stafi shkroi: “Nuk do ta harrojmë që u quajtëm armik i popullit. Jo, nuk do ta harrojmë këtë. Sepse ekspozimi i së keqes, luftimi i padrejtësive është ajo që ne bëjmë “
