Biznes Albania ka reaguar përmes një deklarate për mediat, lidhur me situatën e krijuar një ditë më parë në kompaninë Fish City, ku përfaqësues të PD-së protestuan ndaj investimit të ri që do të kryejë kjo kompani.
Biznes Albania thotë se mbështet investimet e kompanise ‘Fish City’ në Elbasan, e cila ka sjellë zhvillimin e zonës.
“Investimet e Fish City kanë sjellë zhvillim dhe punësim për Elbasanin. Apelojmë opozitën lokale të mos sulmojë kompaninë ‘Fish City’ si edhe të distancohet ndaj këtyre sulmeve. ‘Fish City’ është pionere e biznesit si edhe krenari për sipërmarrjen shqiptare”, thuhet në reagimin e Biznes Albania.
