Një ngjarje e rëndë ka ndodhur sot pasdreke në Gjirokastër. Një i moshuar 71-vjeçar, i identifikuar si Gëzim Sokoli, banor i lagjes ’11 janari’, ka ndërruar jetë rreth orës 15:00.
Ai kishte hipur në një pemë për të prerë një trung që rrezikonte shtëpinë e tij në afërsi të shkollës së mesme pedagogjike “Pandeli Sotiri”. I moshuari ka humbur ekuilibrin nga era e fortë duke u rrëzuar dhe ndërruar jetë.
Banorët thonë se ambulanca ka shkuar shpejtë në vendngjarje, por megjithatë i moshuari nuk mundi të mbijetojë, dhe mbërriti në spital pa shenja jete.
