Disa faqe qeveritare iraniane kanë rënë nga sistemi, si pasojë e sulmit të kryer nga grupi i hakerëve, Anonymous.
Faqja e presidencës iraniane, e agjencisë së lajmeve Fars – e afërt me autoritetet – dhe e Qendrës forenzike të Iranit, janë në mesin e faqeve që janë ende të paqasshme.
Më 20 shtator, një faqe në Tëitter, e cila pretendohet se i përket grupit, Anonymous, ka postuar një video-mesazh që ofron mbështetje për të drejtat e grave dhe vajzave.
“Kjo është hera e fundit”, dëgjohet duket thënë një burrë, që besohet se ka referencë vdekjen e Aminit.
Irani është përballur me protesta kombëtare në Iran për shkak të vdekjes së Aminit.
NetBlocks, grup vëzhgues me bazë në Londër, ka thënë se Irani është aktualisht subjekt i kufizimeve më të mëdha të internetit, prej protestave të mbajtura në nëntor të vitit 2019, për shkak të rritjes së çmimeve të gazit.
Vala e fundit e protestave është zgjeruar në mbi 80 qytete të Iranit dhe të paktën nëntë vdekje janë konfirmuar nga burime të ndryshme./REL
