Pasi qeveria vendosi dje në mbledhjen e Këshillit të Ministrave për mbylljen e kopshtit të Turgut Ozal, “Zubeyde Hanim”, prindër të fëmijëve që shkonin në këtë institucion janë hedhur në protestë para Ministrisë së Arsimit.
Ata e kanë cilësuar njëzëri vendimin e qeverisë të padrejtë, ndërkohë që kanë mbledhur firmat dhe kanë dorëzuar një peticion. Ndërkohë, sot në një dalje për mediat drejtuesit e këtij institucioni pohuan se gjithçka ishte e ligjshme dhe se do ta ndiqnin çështjen në rrugë ligjore.
Ata thanë se nga ky vendim prekeshin 250 fëmijë.
