Një sulm terrorist me bombë ka vrarë të paktën 95 persona dhe ka lënë 158 të plagosur në qendër të kryeqytetit të Afganistanit, Kabul thanë zyrtarët.
Terroristët kanë përdorur një ambulancë të mbushur me eksplozivë për të kryer sulmin.
Ngjarja ndodhi pranë ndërtesës së vjetër të Ministrisë së Brendshme, zyrave të Bashkimit Europian dhe Këshillit të Lartë të Paqes.
Zëdhënësi i talebanëve Zabiullah Mojahid mori përgjegjësinë për sulmin, i cili vjen një javë pasi militantët sulmuan një hotel në Kabul.
Ngjarja ndodhi rreth orës 12:45 p.m. (ora lokale) të shtunën (27 janar) pasi automjeti kaloi nëpër një pikë kontrolli sigurie, a zëdhënësi i Ministrisë së Brendshme Nasrat Rahimi për CNN.
Policia identifikoi terroristin në një pikë kontrolli të dytë, por nuk mund ta ndalonte atë përpara se të shpërthente eksplozivin pranë ndërtesës së vjetër të Ministrisë së Brendshme, tha Rahimi.
Të plagosurit janë dërguar në spitale në të gjithë kryeqytetin afgan, tha zëdhënësi Wahid Majrooh i Ministrisë së Shëndetit Publik. Ai tha se numri i të vdekurve do të rritet, raporton CCN.
Dëshmitarët thanë se zona, ambasadat e huaja dhe selia e policisë së qytetit, ishin të mbushur me njerëz kur bomba shpërtheu.
