“Një harem konkubinësh dhe dylberësh”. Kështu e ka quajtur Kastriot Islami qeverinë e re të prezantuar nga kryeministri Rama ditën e sotme në Asamblenë e Partisë Socialiste.
Sipas tij, ministrat në qeveri janë meshkuj por jo burra, pasi asnjë prej tyre nuk ka guzimin të dalë dhe të thotë se çfarë po ndodh. Islami shprehet se Rama zgjodhi modelin e qeverisë me shumë gra, pasi të njëjtin model ka patur edhe Gadafi.
Ai shprehet se Rama ka një frustrim që nga rinia që mundohet të zëvendësojë burrat me gratë.
“Qeveria “Rama 3”, një harem konkubinash dhe dylberësh. Ata janë meshkuj por jo burra se asnjë prej tyre s’ka guximin të dalë të thotë çfarë po ndodh. E thashë në mënyrë implicite, analizë racionale, e një njeriut të ditur, të bëjë analizën e një budallai, nuk e bën dot. është e pamundur, ky është një kurth i ngritur nga një budalla. Por e krahasuar me të mëparshmen, modelin me shumë gra e ka patur Gadafi. Ai ka një frustrim frojdian që mundohet të zëvendësoje burrat me gratë. Ai ka një frustrim që nga rinia, ka frustrim nga të aftë”, tha Islami në Ora News.
