Pas skandaleve të njëpasnjëshme të “Zjarr dhe Furi”, një përmbledhje e “hijeve” të Trump në qeverinë e tij, vjen po ashtu një botim tjetër fill pas tij.
“Është akoma dhe më keq: Çfarë po i bën Administrata ‘TRUMP’ SHBA-së”, është libri i një prej gazetarëve investigativë të “The New York Times” në Amerikë, njëherësh edhe fitues i çmimit prestigjoz “Pulitzer”.
David Cay Johnston është autori i librit. Një botim i publikuar javën e shkuar.
***
Në librin e Johnston flitet rreth korrupsionit masiv në brendësi të administratës së Trump.
Në vargun e shpjegimeve se si po ecën puna në grup e “Trump”-istave, Johnston flet edhe për rritjen e tmerrshme të taksave, ku përmend edhe skandalin pas miratimit për ndihmën që do t’u jepej viktimave të “Masakrës Sandy Hook”.
Johnston ka nisur të ndjekë Trumpin dhe aktivitetin e tij që nga viti 1988.
Duke mbledhur kështu të gjithë informacionet e mjaftueshme që kanë dalë nga aktiviteti i tij si investitor, dhe miliarder.
Por ky nuk është botimi i parë i gazetarit Johnston për Trump.
Në vitin 2016 ai botoi një biografi të Presidentit të tanishëm të SHBA-ve lidhur me të gjithë idenë e vetë miliarderit për të bërë para.
Në këtë libër (emri i të cilit është “The Making of Trump“) Johnston përmend edhe fakte sekrete të cilat i ka zbuluar nga investigimi që ka patur gjithë këto vite.
Në një fragment tepër interesant ai zbulon se Trump lexonte fshehurazi libra të fjalimeve të Hitlerit.
Ngjarje kjo që ka ndodhur në vitin 1990, dhe që është treguar për Johnston nga ish-bashkëshortja e Trump, Ivana Trump.
Nuk dihet nëse do të ketë një reagim tjetër të Trump lidhur me botimin e radhës të Johnston, por duket se situata e skandaleve të tij nuk ka fund!
Përgatiti: AlpeNews.al
