Një operacion i Prokurorisë së Posaçme Kundër Korrupsionit dhe Krimit të Organizuar po zhvillohet paraditen e sotme në Kadastrën e Vlorës.
Mësohet se SPAK po kërkon informacion për një çështje në hetim, ndërkohë që ka sekuestruar disa dosje.
Prokurorët e SPAK po marrin dokumente për llogari të hetimeve që kanë në proces.
Ndërkohë, sipas Top News, në Kadastrën e Vlorës ka patur sërish ndryshime, pasi mësohet se është larguar Klodian Troci dhe në vendin e tij është emëruar Reinard Meta.
Meta, i cili është emëruar tashmë në krye të Kadastrës së Vlorës, më herët ka qenë në role drejtuese në Kadastrën e Tiranës.
Kujtojmë se brenda një viti janë ndryshuar 10 drejtorë, ndërsa ngërçi me pronat duket se nuk po merr zgjidhje.
