Ditën e sotme, në Qendrën e Numërimit dhe të Rezultateve (QNR), në orën 10:00 do të fillojë rinumërimi i 35 qendrave të votimit nga zgjedhjet për kryetar të Komunës së Dragashit dhe 3 qendrave të votimit nga zgjedhjet për kryetar të Komunës së Rahovecit.
Ndërsa, më pas do të procedohet me numërimin e votave me kusht dhe me postë për Prishtinës dhe Prizrenit.
Komisioni Qendror i Zgjedhjeve (KQZ) ka bërë të ditur se do të fillojë edhe numërimi i votave me kusht, votave të personave me nevoja të veçanta dhe atyre me postë nga këto dy komuna.
Pas përmbylljes së këtyre dy komunave, do të fillojë me numërimin e votave me kusht, votave të personave me nevoja të veçanta dhe votave përmes postës nga zgjedhjet për kryetar të Komunës së Prishtinës dhe pastaj edhe të atyre për Komunën e Prizrenit.
Pra, në Qendrën e Numërimit dhe të Rezultateve do të procedohet sipas kodeve që kanë komunat, njoftoi KQZ.
