Shqiptarët në Shqipëri dhe Kosovë janë fansat apo mbështetësit më besnikë të Presidentit amerikan Donald Trump. Kjo të paktën sipas një sondazhi të Gallup, mbi mbështetjen e Presidentit Trump në vende të ndryshme të Botës.
Refereuar sondazhit më të fundit të Gallup, në Kosovë dhe Shqipëri mbështetja për Presidentin amerikan për punën e tij në vitin e parë në krye të Shtëpisë së Bardhë është në kuotat e 75 dhe 72 %.
“Nuk është e pazakontë që shqiptarët të jenë në krye të kësaj liste; zakonisht nga ta jepen vlerësime shumë të larta për udhëheqjen amerikane”, shkruhet në raport.
Ndërkohë referuar vendeve të tjera të Rajonit, mbështetja për Trump ka një diferencë të dukshme krahasuar me Kosovën dhe Shqipërinë. Në maqedoni mbështetja është në kuotën e 45 %, në Rumani 41 %, në Bosnje dhe Bullgari 28 %, ndërsa në Kroaci mbështetja është në kuotën e 24 %.
Në vendin e fundit renditet Serbia me vetëm 16 %.
