Detaje të reja janë mësuar lidhur me kalimin e mallrave kontrabandë në Portin e Durrësit, ku ranë në pranga katër persona.
Mësohet se Kontejneri u ngarkua në kamionin që drejtohej nga shtetasi Durim Halkja u largua për tre orë nga Porti i Durrësit dhe u rikthye sërish në sheshin e kontejnerëve.
Ka qenë punonjësi Denis Musaj, Alketa Kollcaku, Egnis Gojani dhe Adelino Vila që kanë lejuar që Durim Halkja të merrte kontejnerin dhe ta nxirrte nga pika e kontrollit pa u kontrolluar.
Nga hetimet mësohet se kontejneri ka qëndruar në një vend ende të papërcaktuar për rreth tri orë dhe më pas është rikthyer në vendin e tij. Gjatë këtij orari, policia dyshon se është hequr lënda narkotike dhe kontejneri është rikthyer sërish në sheshin e kontejnerëve.
Gjithçka ka ndodhur mesditën e së premtes së shkuar datë 08.12.2023. Kontejneri i përket kompanisë “BanaKing”.
Policia dhe Prokuroria e Durrësit po punojnë për të zbuluar vendndodhjen e shoferit të kamionit me qëllim të vijojë hetimet.
