Besim Hajdarmataj, prokurori që firmosi arrestimin e Tahirit, ka habitur të gjithë në Këshillin e Mandateve, me argumentimet për arrestimin e ish-ministrit.
Ai s’ka paraqitur asnjë provë konkrete.
“Kemi prova të plotë për këtë grup ku të përfshirë janë edhe vëllezërit Habilaj.
Në 2017 me metoda speciale kemi provuar se në Babicë ka pasur të magazinuar shumë drogë, por kishim info se po transprotohej përtej brigjeve një sasi droge.
Kemi nisur kryerjen e veprimeve hetimore, pasi edhe në këtë fazë, kishte punonjës policie të përfshirë në këtë aktivitet, kryesisht nga ata të Vlorës.
Kemi ardhur në dijeni që Mosi Habilaj është larguar nga Shqipëria, morëm info se ishte arrestuar nga Italia për procedim që nga 2013.
Duke ju referuar të dhënave të dala nga opinioni publik, kemi nisur një procedim tjetër lidhur me këtë aktivitet, që niste që nga 2013, për personat të publikuar në vendimin e drejtësisë italiane si vëllezërit Habilaj, edhe për deputetin Tahiri.
E kemi regjistruar se nga të dhënat që kishte biseda kompromentuese në lidhje me Tahirin, qoftë për pjesëmarrjen e tij në këtë grup kriminal, por edhe nga dhënie e marrje, korrupsion pasiv.
Duke pasur parasysh se të dhënat ishin publike, nderhymë në Babicë në Vlorë.
Nga biseda e Habilaj të krijohet bindja e arsyeshme se është përfshirë edhe Tahiri.
Kërkesa absurde e Prokurorisë: Kërkojmë arrestimi e Tahirit, se trafikantët në Vlorë… punonin të qetë
Prokurori tropojan Besim Hajdarmataj, që raporton tek Sali Berisha për çdo hetim, ka paraqitur “provat” në Këshillin e Mandateve, me të cilat kërkon heqjen e mandatit të Saimir Tahirit.
Një prej këtyre “provave”, ka qenë fakti se ai ka parë që gjatë aksionit në Babicë, trafikantët e drogës punoni shumë qetë, dhe kjo tregon se ata kishin mbështetjen e Tahirit.
Hajdarmataj tha se Prokuroria e ka bindje të brendshme, që Tahiri është i përfshirë në trafik droge.
“Ne pamë që në Babicë trafikantët punonin të qetë.
Dhe nga përgjimet e bisedave të Habilaj me Çelaj, ne krijuam bindjen se në këtë trafik është përfshirë edhe Saimir Tahiri.
Kjo është bindja jonë e brendshme”, tha ai.
“Duke qenë se kishim të dhëna që këta persona e ushtronin aktivitetin e tyre ne qetësi të plotë, krijuam dyshimin se në rastin konkret, kjo ndihmë, duke iu referuar edhe bisedave të përgjuara Habilaj-Cela, krijohet bindja dhe dyshimi i arsyeshëm që ishte i përfshirë në këtë aktivitet edhe Tahiri.
Ne kemi krijuar bindjen e brendshme se jemi para një rasti kur deputeti Tahiri është i përfshirë në aktivitet kriminal”,tha Hajdarmataj
