Të gjithë në PD imitojnë Berishën, duke filluar nga kreu i këtij partie Lulzim Basha. Por tek bllofet nuk po mbetet prapa as kryetarja e bashkisë së Shkodrës, Voltana Ademi.
Kryebashkiakia e Shkodrës, e mediatizuar pas përplasjes verbale me kryeministrin Edi Rama për shkak të mospastrimit të disa objekteve rreth stadiumit, dhe në mungesë të punëve për komunitetin i cili e ka votuar, ka nisur të “përvetësojë” punën e të tjerëve.
Kështu, pas deklaratës së dy ditëve më parë të Bashkisë së Shkodrës, të drejtuar nga Voltana, ku thuhej se janë plotësuar me kamera të sigurisë disa shkolla të kësaj bashkie, ka ardhur edhe reagimi i tre drejtorive të këtyre shkollave, duke e nxjerrë bllof Voltana Ademin.
Në një prononcim për televizionin “Star Plus”, drejtorët e shkollave “Branko Kadia”, “Jordan Misja” dhe “28 nëntori” kanë përgënjeshtruar këtë deklaratë dhe kanë kërkuar që Bashkia ta përgënjeshtrojë deklaratën e bërë dy ditë më parë. Sipas drejtoreshave të këtyre shkollave, kamerat e sigurisë janë vendosur nga vetë shkolla me kontribut të prindërve dhe ministrisë, por jo të Bashkisë. Asnjë lek sipas tyre nuk ka hedhur bashkiua e Shkodrës.
“Kamerat i vendosëm me kontribut të prindërve dhe Ministrisë përmes projektit të AKSH për digjitalizimin, Bashkia të përgënjeshtrojë deklaratën e dhënë. Nuk ka asnjë kontribut Bashkia në vendosjen e kamerave të sigurisë”, – janë shprehur drejtusit shkollave.
Por pas kësaj Bashkia Shkodër ka dalë në një tjetër deklaratë për mediat, ku shprehet se pavarësisht kush ka investuar, shkollat janë pronë e bashkisë.
“Nisur nga prononcimi i disa drejtorëve të shkollave në lidhje me vendosjen e kamerave të sigurisë në ambientet e shkollave, i rikujtojmë se objektet si dhe e gjithë infrastruktura përfshirë dhe mjetet e punës, janë pronë e Bashkisë Shkodër dhe pronë e gjithë publikut. Komuniteti, organizata, donatorë dhe kushdo tjetër që bashkëpunon me institucionin e Bashkisë, është mëse i mirëpritur”, thuhet në deklaratën e bashkise.(TemA)