Rovena Gashi NUK i është përgjigjur dje tri pyetjeve të bëra publike nga “Alpenews.al”.
E vetmja përgjigje që kemi marë kanë qenë sulmet e jashtëzakonshme drejt website-s tonë që nga momenti i bërjes së pyetjes së parë e deri më tani, nga hackera me “ip” në Ukrainë, Francë, etj. që kanë tentuar të na bllokojnë faqen. Duke harruar se e vërteta e kësaj historie do të dalë deri në detajin e fundit, vetëm në emër të transparencës.
Ky sulm i mafias nga bota e nëndheshme e krimit që ka patur deri dje mbrojtjen e drejtuesve kryesorë të Prokurorisë së Përgjithshme, na gëzon pa masë sepse tregon që jo vetëm lajmi ka shkuar tek njerëzit, por edhe mesazhi i duhur, ka mbërritur në veshët e duhur.
Sot në orën 18.00 “Alpenews.al” do të bëjë publike faktet tronditëse që do i bëjnë shqiptarët që ta shohin me sytë e tyre, se deri ku shkon niveli i korrupsionit të zyrtarëve që u bënë pengesa kryesore kundër reformës në drejtësi, sepse ata e kishin kapur sistemin dhe me sa duket, e kanë përdorur vetëm për ti shërbyer krimit dhe pasurimit të familjeve të tyre me paratë e pista të antishtetit dhe antiligjit.
Rovena Gashi, ish Drejtoresha e Drejtorisë së Marrëdhënieve me Jashtë dhe e Dekriminalizimit ë Prokurorinë e Përgjithshme gjatë kohës që ajo “bënte ligjin” nëpërmjet ish Kryeprokurorit Llalla ka dorëzuar një deklaratë pasurie e cila nuk thotë asgjë. Ndaj ne po mundohemi që ta ndihmojmë atë që ta bëjë transparencën e vërtetë përpara shqiptarëve.
Ne ju ftojmë sërisht që ta lexoni me vëmendje këtë paragraf:
Shiheni me kujdes shkresën këtu poshtë. Eshtë faqja e parë e dokumentit që znj. Gashi ka dorëzuar pranë Inspektoriatit të Lartë të Kontrollit të Pasurive dhe Konfliktit të Interesit. Eshtë hera e parë që këto dokumenta bëhen publike. Përveç të tjerash, fiksojeni mirë në memorie faktin se ajo është Rovena, e bija e Nuredinit. Babai i saj Nuredini është i biri i Rexhep Gashit dhe është i datëlindjes 7 dhjetor 1955.
Pyetjet që kemi shtruar 24 orë më parë për Rovena Gashin kanë qenë këto:
1.- Çfarë lidhje keni me kompaninë Balkans Investment Group me zyra qëndrore në Rrashbull të Durrësit nga ku është edhe origjina e familjes së saj?! Thjeshtë rikujtojmë që është një komapni ndërtimi dhe meret me prona të paluajtshme dhe import eksporte lëndësh dhe materialesh të kësaj fushe.
Pyetja e dytë e jona për zonjën GAshi ka qenë: Çfarë lidhje ka me firmën “Lovers Albania sh.p.k” në Lagjen 14 shkozet Durrës, në zonën kadestrale me nr. 8515?
Pyetja e tretë për zonjën Gashi ka qenë: Çfarë lidhje keni me kompaninë “AL 2003 sh.p.k” që ndodhet në Lagjen 14 pranë hyrjes së autostradës Durrës- Tiranë?
Ajo që do sqarohet sot në orën 18.00 nga “Alpenews.al” ka lidhje me pyetjet e tjera të mëposhtme për zonjën Gashi të cilat mbetën pa përgjigje:
A keni ndonjë lidhje Ju ose ndonjë familjari Juaj shumë i afërt që është pjesë e procesit të vettingut sipas detyrimit që përcakton ligji (jo bashkëshorti, sigurisht), me këto subjekte? Një lidhje kjo që mund të jetë ose direkte ose indirekte, ose e drejtëdrejtë ose e tërthortë? Çfarë ju lidh konkretisht me to? A janë gjërat që ju lidhin objekt i deklarimit të pasurisë nga ana Juaj? A i keni pasqyruar ato në formularët e deklarimit të pasurisë dhe në ato të vettingut?
Përgatiti: Alpenews.al
