Dy të infektuar në qytetin e Beratit. I infektuari i parë është një punonjëse në Spitalin Infektiv, ndërsa rasti i dytë është një banor në fshatin Duhanas. Të dy të infektuarit janë kontakte të një personi të infektuar më herët me COVID-19.
Tamponi i punonjëses së Infektivit është marrë më datë 31 gusht dhe dje është kthyer përgjigjia. Siç mësohet, paraprakisht është bërë izolimi të infektuarve dhe po ashtu janë tamponuar kontaktet e tyre të afërta.
Deri më tani, numri i të infektuarve në Shqipëri ka shkuar në 9096, ndërsa raste aktive janë 3875. Numri i viktimave ka shkuar në 290.
