Prej disa javësh në vendin tonë me mbarimin e sezonit veror janë vënë re një rritje e ndjeshme e rasteve me Covid-19.
Shkak kryesor i rritjes së këtyre rasteve është varianti Delta i cili po përhapet masivisht në botë. Rritja e rasteve ka sjellë edhe shtrëngim të masave anti-covid në Shqipëri.
Me rritjen e rasteve ka pasur edhe shtrime në spitale, ku çdo ditë shtohen rreth 50 qytetarë të cilët kanë komplikacione por kryesisht nga varianti Delta.
Përveç variantit Delta, një tjetër variant që po alarmon njerëzit ështv edhe ai “Mu”. Por epidemiologu Ilir Alimehmeti shprehet se “Delta” e dominon variantin “Mu” dhe nuk lejon përhapjen e tij.
Mjeku thotë se “virusi nuk di greqisht, kështu që emërtimi i varianteve me shkronja greke nuk pasqyrohet domosdoshmërisht në agresivitet apo infektueshmëri më të lartë” duke qetësuar qytetarët.
Fjala kyçe për përballimin e kësaj situate është vaksinimi, ku dit ditës të shumta janë thirrjet e mjekëve për t’u vaksinuar.
Por pse ka viktima mes atyre të vaksinuarve?
Brataj thotë se kjo lidhet me sëmundjet bashkëshqoëruese të qytetarëve të prekur me Covid.
“E kemi thënë që vaksina nuk mbronte 100 % në fazën e parë, kështu që nuk duhet të kalojë mesazhi i gabuar që po bëra vaksinën jam i mbrojtur dhe nuk duhet të mbrohem. Ajo varet shumë edhe nga gjendja shëndetësore e pacientëve në atë moment, e sëmundjeve bashkëshoqëruese edhe shumë faktorë të tjerë siç janë edhe komplikacionet që vetë sëmundja sjell. Përveç aparatit respirator sjell edhe tromboza”.
Një lajm i mirë për personat e vaksinuar është se ditën e djeshme Bashkimi Europian ka njohur Certifikatën e Vaksinimit kundvr covid-19.
Një vendim i cili ndikon drejtpërdrejt në heqjen e pengesave të shqiptarëve për të udhëtuar drejt vendeve të BE-së pa patur nevojën e një testi anti-COVID. (KLIKO)
Që prej fillimit të pandemisë e deri më tani në vend janë infektuar 159,423, mes tyre të shëruar janë 144,122, raste aktive 12,744 dhe humbje jete 2,557.
Alpenews.al
