Mjetet e ushtrisë dhe 350 forca kanë mbërritur tashmë në qarqet Fier e Vlorë, ku situata e përmbytjeve paraqitet dramatike.
Po ashtu, Ministria e Mbrojtjes ka vënë në dispozicion një helikopter për evakuim.
Ministria e Mbrojtjes njoftoi se rreth orës 11:00, rreth 150 efektivë të Batalionit të Këmbësorisë në FA kanë mbërritur në Fier. Më herët, 100 efektivë të FA ishin nisur drejt Fierit. Në gatishmëri janë edhe 100 efektivë të tjerë gati për të ndërhyrë.
Ndërkohë, 100 forca kanë arritur në Novoselë të Vlorës.”
