Të rriturit ndonjëherë mund të vuajnë nga simptoma të rrezikshme që ngjajnë me një sindromë të lidhur me koronavirusin tek fëmijët, thanë të premten studiuesit me Qendrat Amerikane për Kontrollin dhe Parandalimin e Sëmundjeve.
Ata po e quajnë atë sindromë inflamatore multisistemale tek të rriturit, ose MIS-A, dhe thonë se është e ngjashme me sindromën inflamatore multisistemale tek fëmijët ose MIS-C.
Ashtu si MIS-C, MIS-A nuk është e lidhur qartë me koronavirusin dhe të sëmurët mund të mos shfaqin ndonjë simptomë tjetër që do të tregonte infeksionin Covid-19.
Por MIS-A ka vrarë të paktën tre pacientë.
MIS-C ka prekur disa qindra fëmijë në të gjithë botën dhe, nëse trajtohen menjëherë, fëmijët shërohen. Shkakton inflamacion të përgjithshëm por pacientët zakonisht nuk shfaqin simptomat klasike të koronavirusit.
Testet e gjakut tregojnë se MIS-C mund të zhvillohet disa javë pasi fëmija është rikuperuar nga një infeksion koronavirus, zakonisht kur përjeton simptoma të lehta ose asnjë simptomë.
