Në ditët e ftohta të cilat janë duke ardhur, jeta do të na bëhet më e lehtë nëse i bëjmë disa gjëra që të parandalohet ngrirja e makinës.
1. Zgjidhni lindjen. Nëse keni mundësi, gjithmonë duhet parkuar makina ashtu që pjesa e përparme të jetë e kthyer nga lindja. Kështu rrezet e para të mëngjesit do ta shkrijnë akullin.
2. Ndihmon alkooli dhe sapuni. Bëni lëngun për shkrirjen e xhamit me të cilin do të mund ta spërkatni në mëngjes xhamat e ngrira. Në një shishe vendosni një litër alkool, një decilitër ujë dhe një lug detergjent për larje të enëve. I përzini mirë. Ekziston edhe një recetë, dy të tretat e alkoolit dhe një e treta ujë).
3. Mbrojtja e bravës nga akulli. Këtu ndihmon WD40. Spërkateni në bravë dhe makina nuk do të ngrihet gjatë natës.
4. Mbrojtja e dyerve nga akulli. Shumë thjeshtë, vetëm duhet ta lyeni gomën rreth derës me ndonjë gjë të yndyrshme. Mund të jetë glicerina, vazelina, vaj kuzhine etj.
5. Mbrojtja e retrovizorëve. Retrovizorët e jashtëm në makinë nuk do të ngrihen nëse në to vendosni qese plastike. Mund të mbështjelljen me shirit gome.
6. Vendosni karton mbi xhama. Kjo është mënyrë e shkëlqyer e parandalimit që xhamat të mos ngrihen. Në vend të kartonit mund ta vendosni edhe ndonjë peshqir të vjetër.
