Dueli elitar i boksit ndërmjet Joseph Parker dhe Anthony Joshua, që do të bashkojë titujt e tre versioneve të kategorisë së peshave të rënda, mund të mbahet në Camp Nou të Barcelonës.
Kështu thotë promotori Parker, David Higgins, ndërsa bisedimet për të arritur marrëveshje pritet të përfundojnë me sukses samë shpejt. Promotori i Joshuas, Eddie Hearn ka thënë se shpreson që marrëveshja të arrihet brenda dy javësh, kurse dueli të zhvillohet në mars ose në prill.
“Arsyeja pse propozova Barcelonën është se anglezëve u pëlqen të shkojnë në Spanjë, dhe atje do të jenë në numër të madh” u shpreh Higgin.
“Është një udhëtim i shkurtër, stadiumi shumë i madh. Është jashtë sezonit të turizmit gjë që i përshtatet aspektit ekonomik. Është një propozim i imi, pa folur me ta”, ka thënë Higgins. Organizatorët dëshirojnë që dueli të zhvillohet në stadium të hapur, andaj edhe ishte planifikuar të zhvillohet në verë kur moti është i përshtatshëm. / alpenews.al