Ju ka ndodhur që zemra t’ju rrahë më shpesh se zakonisht dhe nuk keni ditur si të veproni? Ky artikull do t’ju mësojë dy metoda të thjeshta dhe efikase, të cilat ju ndihmojnë ta ndalni këtë fenomen që në gjuhën mjekësore njihet si takikardi.
Kur temperatura e trupit ulet papritmas, zemra fillon të rrahë më ngadalë dhe sistemi nervor përpiqet të përshtasë organizmin me kushtet e reja. Zemra është e para që përgjigjet kur fytyra ftohet, sepse është më afër saj se sa pjesët e tjera të trupit. Në rast të takikardisë, mund të zgjidhni të kryeni këto dy metoda:
Mënyra 1:
Hidhni ujë të ftohtë në një enë. Sa më i ftohtë, aq më mirë, kështu që nëse keni akull shtojeni edhe atë.
Mbani frymën. Nëse është e nevojshme, mbylleni hundën me gishta, fytyrën zhyteni në ujë të ftohtë për disa sekonda.
Nëse nuk keni enë të përshtatshme, merrni ujë në duart tuaja, dhe hidhjani fytyrës. Gjithashtu mund të masazhoni lëkurën në fytyrë me kuba akulli, duke i kushtuar vëmendje të veçantë zones së tëmbthave.
Mënyra 2:
Merrni frymë thellë dhe tendosni muskujt e barkut. Mbylleni hundën me gishtat tuaj, pastaj gojën dhe sytë. Më pas nxirrni frymën me ngadalë.
Asnjë nga metodat e përshkruara më sipër nuk duhet të përdoret kur takikardia shoqërohet me dhimbje të forta gjoksi ose një ndjenjë të theksuar të mungesës së ajrit. Në raste të tilla, e vetmja mënyrë për të dalë nga situata është të thërrisni ambulancën.
