Është mbledhur sot pas të paktën 7 ditësh nga shpallja e Jeruzalemit si kryeqytet të Izraelit nga presidenti i Shteteve të Bashkuara të Amerikës Donald Trump, Organizata e Bashkimit Islamik.
Ky samit u thirr si kundërpërgjigje ndaj vendimit të presidentit Trump dhe pjesë e këtij samiti ishte edhe Shqipëria. Thirrja për këtë samit iu është dërguar të gjithë ministrave dhe kryeministrave të vendeve të kësaj organizate, por për shkak të urgjencës mësohet se nga pala shqiptarë ka qenë i pranishëm vetëm ambasadori, shkruhet në faqen zyrtare të OIC.
Të 57 anëtarët e organizatës, mes të cilëve edhe Shqipëria, përmes një deklarate të përbashkët thanë se mbeten të angazhuar për një zgjidhje të drejtë dhe gjithëpërfshirëse, me formimin e dy shteteve, dhe u kërkuan vendeve të tjera që të njohin shtetin e Palestinës dhe Jeruzalemin Lindor, si kryeqytetin e tij të pushtuar.
Sipas Organizatës së Bashkëpunimit Islamik, vendimi i presidentit Trump për të njohur Jeruzalemin si kryeqytet të Izraelit shënon tërheqjen e Uashingtonit nga roli i tij në procesin e paqes në Lindjen e Mesme.
Shqipëria është anëtare e Organizatës së Bashkëpunimit Islamik që prej vitit 1992.
