Një 23-vjeçar emri i të cilit nuk bëhet ende me dije, nuk ka mundur të shijojë më shumë se një muaj qendrimin në itali.
I riu ka përfunduar në pranga për shpërndarje të lëndëve narkotike.
Ai iu nënshtrua një kontrolli të policisë pasi banorët kishin vërejtur lëvizje anormale ditëve të fundit pranë zonës së spitalit “San Giovanni Battista”.
Në veçanti, ishte pikasur një djalë në makinë i cili takohej me persona të tjerë duke bërë shkëmbime të dyshimta.
Për këtë arsye, policia vendosi të shihte qartë dhe disa oficerë u vendosën në zonën e treguar duke pritur makinën.
Pritja nuk ishte e gjatë dhe as shkoi kot.
Në fakt, brenda pak orësh, policët vëzhguan katër shitje të kokainës te disa persona të cilët takonin pikërisht të riun shqiptar për të blerë një ose dy doza kokainë. Pasi panë këto, agjentët, rreth orës 19:00, më në fund ndaluan automjetin dhe identifikuan shoferin e ri.
Menjëherë pas kësaj, ata kryen një kontroll të plotë personal të tij dhe shtëpisë së tij, e vendosur në një periferi të Folignos. Kontrolli doli me sukses sepse në shtëpi, përveç tre shufrave me prerje precize dhe materialit për paketimin e dozave individuale të kokainës, policia gjeti 9 050 euro para cash.
I pyetur nga agjentët, i riu nuk ishte në gjendje të jepte ndonjë shpjegim të arsyeshëm në lidhje me posedimin e kësaj shume, që mesa duket ishin rezultat i aktivitetit kriminal të 23-vjeçarit. Për këtë arsye, edhe paratë iu nënshtruan konfiskimit, ndërsa shtetasi shqiptar u arrestua për krimin e mbajtjes së drogës me qëllim trafikimin, dhe, me urdhër të Prokurorisë në Gjykatën e Spoletos, menjëherë u shoqërua me burgun Spoletino.
