Deputeti i Partisë Demokratike, Myslim Murrizi deklaroi sot para medieve se më 30 qershor do ketë votime, por jo zgjedhje.
Ai u pyet nga gazetarët nëse do të votojë ai dhe grupet parlamentare në emër të të cilave foli kërkesën e PS për shkarkimin e Metës, Murrizi u përgjigj:
“Të gjitha kërkesat që mund t’i drejtohen do kenë kushtëzim prishjen e nyjes gardiane të sistemit zgjedhor. Ne nuk jemi pjesë e marrëveshjes së 17 majit. Secili deputet ka dinjitetin e tij, kauzën e tij dhe të grupeve respektive, ndryshimin e sistemin zgjedhur. Asnjë në karriget e Kuvendit nga 2009 nuk është i zgjedhur nga shqiptarët”
A zgjidhet kriza me shkarkimin e Metës?
Nuk mbahem si babai i Kushtetutës, por di të lexoj. Nuk kam lexuar asnjë rresht të saj fjalën zhdekretim. Kjo është një shpikje allashqiptarçe. Nuk e mbaj veten për jurist të madh, por Kushtetuta ka qenë vullnet i zotit Berisha dhe zotit Rama në marrëveshjen e prillit 2008.
Ka zgjedhje më 30 qershor?
Zgjedhjet janë kur ka alternativë për zgjedhje. Votime do të ketë. Ku ka vetëm një kandidat do të ketë vetëm votime, ku ka më shumë, ka zgjedhje.
Ditën e sotme presidenti Meta mbajti një konferencë për mediet, ku ka dhënë shpegimet politike dhe ligjore pse anuloi 30 qershorin. Menjëherë Edi Rama mblodhi me urgjencë kryesinë e Partisë Socialiste, ku u vendos shkarkimi i presidentit. Spiropali, foli në emër të kryesisë dhe tha se të enjten mazhoranca do të miratojë një rezolutë për shkarkimin e presidentit.
