Dy ditë pasi forcat ruse kanë shtrirë sulmin e tyre në Perëndim të Ukrainës, duke bombarduar një bazë ushtarake në qytetin e Lviv, i cili është vetëm 80 kilometra larg kufirit me Poloninë, vend anëtar i NATO, SHBA ka marrë masa.
Dailymail raporton se sistemi i raketave amerikane Patriot është vendosur në një bazë ajrore polake vetëm 50 milje nga kufiri me Ukrainën.
Sistemi i mbrojtjes nga toka dhe ajri u instalua rreth perimetrit të Aeroportit Ndërkombëtar Rzeszow-Jasionka pasi një flotë avionësh të Forcave Ajrore të SHBA (USAF) fluturuan nga një bazë në Gjermani. Kjo lëvizje vjen pasi Komanda Evropiane e SHBA-së (EUCOM) tha të martën e kaluar se do të instalonte sistemin raketor Patriot në Poloni.
Siguria është rritur ndjeshëm rreth fushës ajrore, e cila përdoret gjithashtu nga transportuesit civilë si Ryanair dhe Wizz Air, të cilët kryejnë fluturime nga aeroportet East Midlands, Manchester, Bristol dhe Luton në MB.
Raketat të drejtuara nga lindja drejt Ukrainës dhe nivelet e alarmit në aeroport u rritën pas sulmit të së dielës nga Rusia në një bazë trajnimi ushtarak në Yavoriv, vetëm 70 milje larg përtej kufirit polako-ukrainas.
Sulmi solli një breshëri raketash në qendrën ndërkombëtare të paqeruajtjes dhe sigurisë në Yaroviv, e cila la të paktën 35 persona të vdekur dhe 134 të tjerë të plagosur, si dhe shkaktoi dëme të mëdha në zonë.
