Administrata e Presidentit amerikan Donald Trump po shfaq pakënaqësi të hapur ndaj vazhdimit të operacioneve ushtarake izraelite në Liban, duke rritur spekulimet për një përçarje mes Uashingtonit dhe qeverisë së kryeministrit Benjamin Netanyahu.
Sipas memorandumit të mirëkuptimit (MOU) mes SHBA-së dhe Iranit, parashikohet një ndërprerje e përhershme e operacioneve ushtarake në të gjitha frontet, përfshirë edhe Libanin. Megjithatë, ushtria izraelite ka vijuar sulmet ajrore dhe operacionet tokësore në territorin libanez.
Izraeli jo vetëm që po vazhdon ofensivën, por ka bërë të ditur se synon të mbajë nën kontroll zonat e pushtuara, të cilat përbëjnë afro 20 për qind të territorit të Libanit.
Zyrtarë të administratës Trump kanë sinjalizuar se janë të irrituar nga veprimet e Izraelit, duke kërkuar respektimin e angazhimeve për uljen e tensioneve në rajon.
