Një 47-vjeçar që është gjendur i plagosur në Selenicë të Vlorës, ka humbur jetën sapo ka mbërritur në spital. Viktima është Nikola Ikonomi, nga Selenica. Ai është gjetur nga kalimtarët me tre plumba, një në kokë dhe dy në trup, në afërsi të shkollës së Selenicës. Kanë qenë kalimatërt e rastit që kanë çuar drejt spitalit viktimën dhe më pas është marrë nga ambulanca ku sapo ka shkuar në spital ka humbur jetën si pasojë e plagëve të marra. Ndërkohë viktima njihet edhe si Laver Tozaj, ndërsa në gjendjen civile është i regjistruar me emrin Nikola Ikonomi.
Të afërmit e viktimës Nikola Ikonomi, kanë mbërritur në spitalin e Vlorës, ku kanë marrë vesh edhe lajmin për ndarjen nga jeta të familjarit të tyre. Në këto momente familjarët kanë shpërthyer në vaj. Ndërsa policia është munduar t’i qetësojë.