Shumë persona nuk e kanë besuar ekzistencën e koronavirusit, deri në momentin që janë prekur vetë prej tij. Kështu ka ndodhur edhe me një pacient i cili ndodhet i shtruar në Spitalin Rajonal të Vushtrrisë në Kosovë.
Në një prononcim për mediat vendase, ai ka thënë se nuk e ka besuar virusin, deri në momentin që është infektuar prej tij. Ai ka thënë se problemet kryesore që ia ka shkaktuar Covid-19 janë pengesa në frymëmarrje dhe temperatura e lartë.
“Nga e shtuna jam kështu, tash jam më mirë. Me frymëmarrje kam problem që dy-tre ditë. Armik i fshehtë ishte, nuk kam besuar as unë, por tash besoj se më ka zënë”, u shpreh ai për Klan Kosova.
