Detaje të reja janë bërë me dije nga ngjarja e rëndë që ndodhi mbrëmjen e sotme në lagjen “28 nëntori” në Elbasan.
Një fugon i ri policie i ekipit të forcave Shqiponja, është qëlluar me tullë në xhamin anësor të shoferit, teksa ishte në ecje. Për pasojë drejtuesi i fugonit ka mbetur i plagosur në dorë. Ai është mjekuar me mjete rrethanore dhe më pas është ktyer menjëherë në vendin e ngjarjes.
Mësohet se para se të ndodhte ngjarja policia kishte shkuar për të shuar një sherr familjar mes një çifti që kishin grindje për kujdestarinë e fëmijës. Kur ndodhi sulmi ndaj policisë u mendua se kishte lidhje me këtë ngjarje, por jo.
Pak para se policia të goditej me mjetin e fortë (tullë, gurë) ishte duke ndjekur një makinë, për të cilën dyshohej se kishte brenda sende të palejuara (armë, drogë). Makinës së dyshuar i është bërë me dije se duhet të ndalonte, por kjo gjë nuk ka ndodhur.
E sakaq, befasisht është qëlluar me gurë në xhamin e shoferit dhe efektivi ka mbetur i plagosur. Në lidhje me këtë ngjarje, disa persona janë shoqëruar në polici.