Prokuroria e Posaçme ka kërkuar dënimin me burgim të përjetshëm të Altin Hajrit, i cili po gjykohet në mungesë për rrëmbimin dhe zhdukjen e Jan Prengës.
Burime bëjnë të ditur se Prenga po gjykohet në mungesë, pasi ndodhet në arrati dhe nuk ka asnjë gjurmë prej tij për momentin.
Ndërkohë mësohet se seanca në Gjykatën e Posaçme lidhur me këtë çështje është shtyrë, pasi avokati i Hajrit kërkoi kohë për të përgatitur konkluzionet përfundimtare.
Kujtojmë se Apeli i GJKKO-së në vitin 2025 vendosi të lërë në fuqi vendimin e Shkallës së Parë, me të cilin Festim Bexhdili (një tjetër i dyshuar i përfshirë në rrëmbimin dhe zhdukjen e Jan Prengës) u dënua me burgim të përjetshëm.
Festim Bexhdili ishte kopshtari i resortit ku u shfaq për herë të fundit gati pesë vjet më parë pengu Jan Prenga.
Në këtë ngjarje dyshohet të jetë i përfshirë edhe ‘famozi‘ Dritan Rexhepi, i cili dyshohet se e porositi këtë ngjarje gjatë kohës që ndodhej në Ekuador.
