Kryetarja e Lëvizjes Socialiste për Integrim tha se janë bërë hapa para dhe është rënë dakord për pesë pika në tryezën e Këshillit Politik, por Reforma Zgjedhore tashmë ka ngecur, e kjo për shkak të maxhorancës.
Monika Kryemadhi tha sot në ‘Opinion’ se Rama nuk do që të përmbushet Reforma Zgjedhore, sepse më pas do vijohet me 14 kushtet e tjera, gjë të cilën kryeministri nuk e do.
Sipas Kryemadhit, arsyeja është pasi ai do që të fajësoj opozitën për mos-hapjen e negociatave me BE-në.
“Reforma Zgjedhore ka ngecur për shkak të maxhorancës, kjo dihet botërisht. Pasi nuk duan të ecin përpara, sepse po u përmbush Reforma Zgjedhore, e cila është një nga 15 kushtet për hapjen e negociatave, do vijohet me 14 kushtet e tjera, dhe Rama nuk e do këtë, sepse do të fajësojë opozitën si shkaktare për moshapjen e negociatave”.
