Kryetari i Kontrollit të Lartë të Shtetit, Bujar Leskaj prezantoi para parlamentit raportin e këtij institucioni për vitin 2017, ku tha se dëmi që i është shkaktuar shtetit në këtë vit është rreth 825.6 mln euro. Leskaj i kërkoi kuvendit të rrisë presionin për zbatimin e rekomanimeve të KLSH-së.
Leskaj: Po duhet të rritet edhe trysnia nga Kuvendi për zbatimin e rekomandimeve të KLSH. Vendimi më i fundit që ka marrë Kuvendi i Shqipërisë për krijimin e mekanizmit të monitorimit të zbatimit të rekomandimeve të institucioneve të pavarura, ku zbatimi i rekomandimeve të KLSH zë vendin kryesor unë gjykoj që është pozitiv dhe do të jetë pozitiv dhe do të sjellë fryte në të ardhmen.
Në Parlament, Leskaj u përball me një kërkesë të ish kryemisnitrit Sali Berisha.
Berisha: Herë tjetër ki parasysh, t’u drejtohesh hajdut dhe kryehajdut këtyre. Kjo është gjuha që njohin këta.
Leskaj: I dashur Doktor, besoj se KLSH dhe unë e kemi bërë punën time audituese.Nuk mund të kalojmë ato vija që ligji nuk na i lejon. Ne audituesit nuk bëjmë politika, ne auditojmë zbatimin e politikave. Nëse unë si kryetar i KLSH në punën time në këto vite do të kaloja në këtë fushë riskoja pavarësinë e institucionit. Mund të kisha fituar disa kredite vetë por nuk ishte mirë për institucionin.
Bazuar në analizën vjetore, sipas kreut të KLSH rezulton se administrimi i pronës shtetërore ka peshën kryesore në dëmin që i bëhët buxhetit të shtetit , e ndjekur nga doganat dhe prokurimet publike
