Ministri i jashtëm i Serbisë, Ivica Daçiç, tha se Serbia nuk e ka tërhequr as fletarrestin dhe as akuzën kundër kryeministrit të Kosovës, Ramush Haradinaj.
Ai eshte shprehur se tërheqja e fletarrestit të Interpolit është bërë me kërkesë të UNMIK-ut.
Duke folur sot para gazetarëve në Beograd, Daçiç theksoi se “tërheqja e fletarrestit do të nënkuptonte se ne kemi hequr dorë nga ndjekja, por ne këtë nuk e kemi bërë”, tha ai.
Ministri i drejtësisë i Kosovës, Abelard Tahiri, të premten ka konfirmuar për Radion Evropa e Lirë, se emri i kryeministrit të Kosovës, Ramush Haradinaj, është hequr nga lista e personave në kërkim nga Interpoli.
