Pas rreth dy orësh qëndrimi dhe fjalimesh përpara Kryeministrisë, aktivistët dhe qytetarët kanë nisur marshimin në rrugët e Tiranës në ditën e 11-të të protestës.
“Rama jep dorëheqjen”, Ju erdhi fundi”, dhe slogane të tjera janë dëgjuar vazhdimisht gjatë marshimit në bulevard. Po ashtu, edhe thirrjet “Rama në burg, Berisha në Burg”, “Shqipëri e re”, “Edi Rama dorëhiqu”, “Atdheu i Shqiptarëve, vdekje tradhtarëve”, “Atdheu nuk shitet”, jehuan edhe sot teksa qytetarët marshojnë, ndërsa u bë edhe thirrja e përnatshme “Nesër më shumë”.
