Një aksident i rëndë ka ndodhur pasditen e sotme në qytetin e Vlorës, ku i plagosur ka mbetur drejtuesi i një motori.
Raportohet se ngjarja ka ndodhur në rrugën “Pelivan Leskaj”, ku një automjet është përplasur me një motomjet. Ende nuk dihen rrethanat e aksidentit, por mësohet se lënduari është transportuar me urgjencë drejt spitalit të Vlorës. Në vendin e ngjarjes ka mbërritur grupi hetimor për të dokumentuar rrethanat dhe shkaqet e aksidentit, ndërkohë që pamjet tregojnë dëme materiale në të dyja mjetet dhe prani të qytetarëve në vendin e ngjarjes.
