Presidenti Ilir Meta e ka cilësur marrjen nga Gjermania të Presidencës së rradhës së Bashkimit Europian, si një mundësi që nuk duhet humbur kurrsësi.
Përmes një shënimi në facebook, Meta thotë se pritshmëritë për nisjen e negociatave të anëtarësimit me BE gjatë presidencës gjermane janë të larta, dhe i bën apel qeverisë që të të zbatojë të gjitha kushtet e vendosura sa më parë.
“Sot Gjermania nis kryesimin e Presidencës së Bashkimit Europian.
Mirënjohës për vendosjen e Shqipërisë dhe Maqedonisë së Veriut në krye të agjendës europiane. Kjo është një mundësi që nuk duhet humbur kurrësesi!
Shqipëria duhet të zbatojë të gjitha kushtet e vendosura sa më parë.
Takimi i djeshëm me Kryetarin e Parlamentit ishte një hap i parë optimist për vijimin e emërimeve të Gjyqtarëve të tjerë Kushtetues.
Shpresoj që kjo të frymëzojë një qasje të ngjashme gjithëpërfshirëse në të gjitha fushat ku nevojiten reforma kyçe.
Pritshmëritë për nisjen e negociatave të anëtarësimit gjatë Presidencës gjermane janë të larta.
Nuk do të kursej asnjë përpjekje për Shqipërinë Europiane!”– shkruan Meta. (TemA)
