Zyrtarët e inteligjencës perëndimore dhe asaj amerikane po i kushtojnë vëmendje të madhe çdo shenje që mund të tregojë për një aktivitet të mundshëm rus në Ballkanin Perëndimor. Lajmi raportohet nga CNN, që citon një burimi të afërt me inteligjencën amerikane i cili tha se deri më tani, ata nuk kanë parë asgjë të pazakontë.
Zyrtarët e inteligjencës po vëzhgojnë gjithashtu nga afër përdorimin nga Rusia të aseteve ushtarake në Moldavi, për sulmin në Ukrainë.
Vëmendja lë të kuptohet për shqetësimet e vazhdueshme perëndimore se ambiciet e presidentit rus Vladimir Putin mund të jenë më të mëdha se Ukraina.
I pyetur të enjten nëse ka informacione të inteligjencës që Vladimir Putin synon të përparojë përtej Ukrainës, Sekretari i Shtetit Antony Blinken tha:
“Nuk keni nevojë për inteligjencë për t’ju thënë se kjo është pikërisht ajo që dëshiron Presidenti Putin”.
“Ai e ka bërë të qartë se do të dëshironte të rindërtonte perandorinë sovjetike. Me pak fjalë, ai do të donte të rivendoste një sferë ndikimi rreth vendeve fqinje që dikur ishin pjesë e bllokut sovjetik. Dhe me pak fjalë, ai do të donte për t’u siguruar që të gjitha këto vende të jenë disi neutrale, “tha Blinken.
Në Ukrainë, tha burimi per CNN, zyrtarët e inteligjencës perëndimore vlerësojnë se plani i Rusisë është të rrëzojë qeverinë në Kiev dhe të instalojnë një qeveri të komanduar nga Rusia, por ata ende nuk e dinë nëse Putini do të kërkojë të pushtojë dhe aneksojë më pas territorin ukrainas, tha burimi.
