Zëvendëspresidentja e SHBA-ve Kamala Harris ka deklaruar se pushtimi i paprovokuar i Ukrainës nga Rusia përbën një kërcënim për të gjitha demokracitë në mbarë Evropën.
“Pushtimi i Rusisë kërcënon jo vetëm demokracinë e Ukrainës, por kërcënon demokracinë dhe sigurinë në mbarë Evropën”, tha Harris në takimin e Komitetit Kombëtar Demokratik të ditës së sotme në SHBA.
“Oqeani që na ndan nuk do të na lërë të paprekur nga ky agresion”, tha ajo. Sipas saj, “Shtetet e Bashkuara qëndrojnë me vendosmëri me popullin ukrainas në mbrojtje të aleancës së NATO-s” tha Harris.
Ajo vuri në dukje gjithashtu edhe gjendjen e rëndë të miliona refugjatëve që po ikin nga sulmi rus.
