Astrit Patozi, ish nënkryetar i Partisë Demokratike i ftuar në emisionin “Provokacija” në TV “ABC News”, ndër të tjera ka folur edhe për protestën e studentëve.
Sipas tij kjo protestë ishte një sinjal i keq për opozitën dhe një grusht hundëve ndaj Edi Ramës sepse i rrëzoi treçerekun e qeverisë.
“Ky është sinjali i keq e para për opozitën. Për qeverinë ku Edi Rama thotë se ishte shuplakë, unë do të thoja grusht hundëve ishte sepse rrëzoi treçerekun e qeverisë në njëfarë mënyre.
Studentët janë sipas meje prerja më e mirë e stadit e situatës në të cilën ndodhet qeveria shqiptare.
Revolta ekziston dhe ajo është edhe me qeverinë edhe me opozitën. Kjo është një revoltë e dobishme sesa të ishte kundër njërës,”– është shprehur Astrit Patozi.
